Bon bini na Coral Dental — un klinika dental moderno ku ta ofresé kuido di konfiansa. Nos ta ofresé kuido dental di kalidat haltu, personlisá i aksesibel na tur hende na Boneiru, na tarifanan dental stipulá. Nos ta guia muchanan for di un edad hóben pa nan por tin djentenan sano. Ku nos bo por haña kasi tur aspektonan di kuido dental bou di un dak. Nos ta disponibel pa emergensianan tambe pa asina por garantisá sitanan mas lihé. Nos ta guia muchanan for di chikí pa mantené djente salú.
Nos Tim
Coral Dental Bonaire tin actualmente dos dentista ku 5 i 7 aña di eksperensia komo dentista na Boneiru. Den futuro nos tim lo sigi krese.
Dentista: Frederique Holtbach
BIG number di registrashon: 69926979302
Idioma: Hulandes, Ingles, Papiamentu
Un dentista ku hopi pasion i dedikashon ku un interes amplio den e profesion i ku afinidat pa sirugia, tratamentu di kanal di raiz i odontologia estétiko/restourativo. E ta pone komfort di e pashènt sentral, asta si bo tin miedu di dentista.
Dentista: Ellis Scheerder
BIG number di registrashon: 69915575302
Idioma: Hulandes, Ingles, Papiamentu
Un dentista motivá i dediká, akreditá pa e Associasion “Dutch Association of Dental Sleep Medicine” ku hopi pasion pa odontologia pediátriko. E a duna les na ACTA den e departamentu di odontologia pediátriko i e ta traha ku MRA’s (aparatonan kontra ronka).
Nos Vision
A traves di kolaborashon i eksperensia den diferente praktikanan, nos a desaroyá un vision kla pa kuido dental moderno: personal, transparente i orientá riba futuro.
Coral Dental tin komo meta pa ta un grupo di praktika aksesibel i orientá riba futuro kaminda pashèntnan por haña práktikamente tur facetanan di kuido oral bou di un dak. Kuido oral preventivo i duradero ta forma e base pa esaki.
Un punto importante di enfoke ta kuido oral pa muchanan i adolesentenan ku e programa di prevenshon Gewoon Gaaf den kolaborashon ku ZJCN i Salú Públiko. Asina nos ta guia muchanan for di tempran pa nan por tin djentenan sano.
Nos Balornan
- Tempu i atenshon personal
- Komunikashon kla i habrí
- Kuido a base di konfiansa
- Innovashon kontinuo i mehorashon
Nos Mision
Nos motivashon pa kuminsá Coral Dental Bonaire ta bini for di e deseo pa mehorá kuido oral aktivamente na Boneiru i hasi’é mas aksesibel i organis’é di un manera duradero.
Kuido dental kompleto bou di un dak
Na Coral Dental Bonaire bo por haña kasi tur tratamentu regular dental. Nos ta traha konforme e último guianan i ta uza teknikanan moderno pa hasi tratamentunan mas komfortabel ku ta posibel.
Mira nos página di Tratamentunan pa tur nos tratamentunan.
Nos ta hasi nos esfuerso pa realisá mas tantu tratamentu ku ta posibel na nos klinika (in-house). Si ta nesesario nos ta kolaborá ku spesialistanan.
Garantia di kalidad
E profeshonalnan na Coral Dental ta partisipá den edukashon i entrenamentu kontinuo. Nos ta kere ku ta importante ku e profeshonalnan ta na altura di e último desaroyonan i opshonan di tratamentu i nos ta stimulá nan pa asistí kursonan i/of konferensianan.
Nos klinika ta sigui e guianan aktual i mas resiente pa kuido oral i e protokòl di praktika ku ta na vigor.
Teknologia moderno
- Guided Biofilm Therapy pa limpiesa komfortabel
- Scanner 3D pa impreshonnan digital lihé i eksakto
- Aparato OPT/CBCT pa portretnan general di kaak i planifikashon di implante
- Ekipamentu nobo i materialnan di kalidad haltu
Prosedura di keho
Coral Dental ke pa su pashèntnan sinti nan komfortabel den nos klinika. Sin embargo, si bo a pasa pa un eksperensia ku bo lo a preferá ku tabata diferente, nos lo apresiá si bo laga nos sa. Bo por laga nos sa dor di tuma kontakto ku nos via telefon òf dor di yena e formulario di keho. Nos lo tuma kontakto ku bo dentro di sinku dia di trabou. Nos ta hasi nos esfuerso pa buska un solushon hunto.
Tarifanan
E tarifanan den kuido dental ta wòrdu determiná anualmente dor di “Nederlandse Zorgautoriteit” (Dutch Health Authority, NZa) na nòmber di gobièrnu. Nos ta apliká e tarifanan aki i ta usa e tasa di kambio for di euro pa USD manera ku ZJCN ta stipulá kada aña. Bo por mira e tarifanan di 2026 aki.
Un promé sita pa ‘intake’ semper ta un eksaminashon kompleto, hopi biaha kombiná ku portretnan röntgen. Tene kuenta ku un suma aproksimadamente entre 75–130 USD. Ku e sita aki nos por adaptá tratamentunan siguiente (manera un limpiesa dental) na bo situashon i informá bo tokante e otro gastunan.
Pago
Despues di bo sita por fabor paga na nos bali di resepshon. Nos ta sugeri bo por fabor pa paga ku tarjeta. Nos ta aseptá Visa, Mastercard i American Express.
Kuido ku ta wòrdu reembolsá
ZJCN ta kubrí kuido pa:
- Muchanan di 0 te ku 18 aña registrá ku ZJCN
- Dentadura/Pròtesis (parcial òf kompleto); bo tin derecho riba reembolso di un dentadura un biaha kada 5 aña
- Kita un djente di sabiduria riba petishon di dentista
- Aparato kontra ronka (MRA) riba petishon
- Sirugia di kaak